Këshillim për emigrantë dhe refugjatë

Nëpërmjet këshillimit online të Caritas-it ju mund të bëni pyetje lidhur me tema të ndryshme në mënyrë të thjeshtë dhe të sigurt . Nëse dëshironi mund të mbeteni anonim. Ekspertet dhe ekspertët e Caritas-it, si rregull ju përgjigjen pyetjeve tuaja brenda dy ditësh pune.

Për këshillimin nuk ju nevojitet adresë emaili. Për të evituar që persona të paautorizuar të lexojnë pyetjen tuaj dhe përgjigjen e këshilluesit, Caritas-i ka zhvilluar një fushë këshillimi të siguruar. Në të ju duhet të regjistroheni në fillim në mënyrë anonime. Aty ju shkruani pyetjen tuaj (ngjashëm me një email normal) dhe aty mund të merrni gjithashtu përgjigjen.

• Krijoni një emër përdoruesi dhe një fjalëkalim. Të dy duhet t'i mbani mend për të arritur më vonë te përgjigjja e këshilluesit.
• Jepni kodin postar të vendbanimit tuaj. Kërkesa juaj i dërgohet më tej një këshilluesi ose këshilluese afër jush. Kjo është e dobishme nëse më vonë do të keni nevojë për një takim në një qendër këshillimi.
• Nëse jepni vullnetarisht një adresë emaili, në rast te nevojës mund ta rivendosni fjalëkalimin tuaj. Përveç kësaj, sistemi ju informon nëpërmjet emailit që ka mbërritur një përgjigje ndaj kërkesës suaj. Pastaj, atë mund ta lexoni në platformën e siguruar të këshillimit pas kryerjes së kyçjes.

Nëpërmjet këshillimit online të Caritas-it ju mund të bëni pyetje lidhur me tema të ndryshme në mënyrë të thjeshtë dhe të sigurt . Nëse dëshironi mund të mbeteni anonim. Ekspertet dhe ekspertët e Caritas-it, si rregull ju përgjigjen pyetjeve tuaja të para brenda dy ditësh pune.

Udhëzime video për përdorimin, regjistrimin dhe kyçjen në sistemin e këshillimit online për personat që kërkojnë këshillë dhe këshillues i gjeni në kanalin tonë YouTube (disa video shpjeguese janë bashkëlidhur poshtë në këtë faqe).

Procedura e një këshillimi online

Për këshillimin nuk ju nevojitet adresë emaili. Për të evituar që persona të paautorizuar të lexojnë pyetjen tuaj dhe përgjigjen e këshilluesit, Caritas-i ka zhvilluar një platformë këshillimi të siguruar. Për këtë, në fillim ju duhet të regjistroheni - natyrisht kjo është e mundur në mënyrë anonime! Aty ju shkruani pyetjen tuaj (ngjashëm me një email normal, por vetëm e siguruar), dhe aty mund të merrni gjithashtu përgjigjen.

Bërja e pyetjes

• Zgjidhni fushën e këshillimit në të cilën dëshironi të bëni një pyetje. Përmbledhjen e fushave i gjeni të listuara në www.caritas.de/onlineberatung. Në varësi të rrethanave, ju e keni gjetur fushën tuaj dhe jeni tashmë në faqen përkatëse.
• Grafiku i banderolës me mbishkrimin "Nis këshillimin online”
• Klikoni mbi banderolën e kuqe për këshillimin online dhe hapet një dritare e re. Në këtë mënyrë keni krijuar një lidhje të sigurt me platformën tonë të këshillimit.
• Kyçuni: Kyçja bëhet shpejt dhe ju mbetni anonim nëse dëshironi:
  >>> Krijoni një emër përdoruesi dhe një fjalëkalim. Të dy duhet t'i mbani mend për të arritur më vonë te përgjigjja e këshilluesit.
  >>> Jepni kodin postar të vendbanimit tuaj. Kërkesa juaj i dërgohet më tej një këshilluesi ose këshilluese afër jush. Kjo është e dobishme nëse më vonë dëshironi një takim në një qendër këshillimi.
  >>> Nëse jepni vullnetarisht një adresë emaili, mund ta rivendosni fjalëkalimin tuaj, në rast se e harroni.
• Shkruani pyetjen tuaj dhe klikoni mbi shigjetën për të dërguar mesazhin. Përgjigjja juaj i dërgohet një këshilluesi ose këshilluese. Përgjigjen e gjeni ditëve të punës brenda 48 orësh në kutinë tuaj postare.

Marrja e përgjigjes

• Shkoni sërish në faqen ueb të fushës së këshillimit ku keni bërë pyetjen tuaj (përmbledhje për këtë www.caritas.de/onlineberatung).
• Klikoni mbi banderolën e kuqe për këshillimin online dhe hapet platforma e këshillimit në dritare të re.
• Kyçuni: Për këtë ju nevojitet emri i përdoruesit dhe fjalëkalimi juaj (të dy i keni zgjedhur në momentin e regjistrimit). Pastaj, ju gjendeni sërish në fushën e mbrojtur të kutisë suaj postare.
• Lexoni përgjigjen: Për këtë, zgjidhni në menynë e majtë "këshillimet e mia”. Pastaj mund ta lexoni përgjigjen tuaj.

Për shkarkim poshtë gjeni edhe manualin për platformën e re të këshillimit online të Caritas-it. Manuali u drejtohet në radhë të parë këshilluesve dhe ju shpjegon atyre të gjitha funksionet e platformës. Mandej, shpjegohet edhe pamja e platformës së personave që kërkojnë këshillë. Në këtë mënyrë, të gjithë ata që duan të dinë më tepër për mënyrën e funksionimit të këshillimit online gjejnë në manual detajet e nevojshme.

Mbrojtja e të dhënave tuaja gjatë këshillimit personal ka rëndësi të veçantë. Për të pasur mundësinë e kontaktit në mënyrë anonime dhe të sigurt me qendrat e këshillimit kemi zhvilluar një platformë këshillimi online, e cila garanton një masë maksimale diskrecioni.

Këshillimi i personave në situata të vështira të jetës kërkon një masë maksimale besueshmërie. Ne nga "Deutscher Caritas Verband e.V.” (shoqata Caritas gjermane) jemi të ndërgjegjshëm për këtë përgjegjësi dhe kemi marrë masa të rrepta teknike dhe organizative për të vënë në dispozicion një platformë këshillimi, e cila garanton sigurinë e të dhënave tuaja. Në emër të qendrave të këshillimit, të cilat mund ti kontaktoni nëpërmjet platformës së këshillimit, ju informojmë në vijim mbi mënyrën se si do të përpunohen të dhënat tuaja gjatë përdorimit të platformës së këshillimit online:

Fushat e këshillimit

Këshillimi online ndahet në fusha të ndryshme këshillimi të pavarura. Një përmbledhje të temave mbi të cilat mund të japim këshillim të specializuar e gjeni në www.caritas.de/onlineberatung. Nëpërmjet butonit "Për këshillim” shkoni në nënfaqen e fushës përkatëse të këshillimit. Aty ekziston pjesërisht mundësia për të zgjedhur një vendndodhje apo një qendër këshillimi, me të cilën mund të merrni kontakt nëpërmjet lidhjes në platformën e këshillimit pas kryerjes së regjistrimit.

Institucioni përgjegjës

Shoqata Deutscher Caritasverband e.V. eshtë udhëzuar nga një numër qendrash këshillimi nga gjithë Gjermania për të vënë në dispozicion një platformë të sigurt këshillimi, nëpërmjet së cilës mund të marrin kontakt me qendrat e këshillimit personat që kërkojnë këshillë. Përgjegjëse në kuptimin e ligjit për mbrojtjen kishtare të të dhënave (KDG) është gjithmonë qendra përkatëse e këshillimit me të cilën merrni kontakt. Qendra konkrete e këshillimit përgjegjëse ju tregohet në formular në momentin e regjistrimit dhe varet nga fusha e këshillimit dhe vendi cilin keni zgjedhur.

Regjistrimi

Për të pasur mundësinë e kontaktit me një qendër këshillimi, në fillim duhet të regjistroheni. Aty do t’ju kërkohen të dhënat e mëposhtme të domosdoshme, të cilat mund t’i plotësoni me të dhëna shtesë me vullnet të lirë:

Të dhëna të domosdoshme

Gjatë regjistrimit do t’ju kërkohet të krijoni një emër përdoruesi dhe një fjalëkalim. Ju mund të përdorni edhe një pseudonim, i cili nuk lejon jep përfundim për emrin tuaj të vërtetë. Krahas këtyre të dhënave mund të jetë e nevojshme që, në varësi të fushës së këshillimit, të jepni një numër postar, nëse më parë nuk keni zgjedhur një vend. Nëse keni zgjedhur një vend në faqen e fushës së këshillimit, ky parametër dërgohet në formularin e regjistrimit dhe i tregohet direkt një qendre këshillimi. Nëse jepni numrin postar në formularin e regjistrimit do t'ju tregohen sugjerime lidhur me qendra të afërta këshillimi.

Të dhëna opsionale

Përveç kësaj, gjatë regjistrimit mund të jepni në mënyrë vullnetare të dhëna të tjera, të cilat mund të jenë të dobishme për këshillimin. Këto të dhëna përfshijnë sfondin (i interesuar, i afërm, tjetër) mosha juaj, seksi dhe të dhëna specifike për temën tuaj të këshillimit. Nëse jepni adresën tuaj të emailit, ju merrni mesazhe automatike në momentin që ka përgjigje të reja për ju në platformë. Qendra e këshillimit nuk mund ta shohë adresën tuaj të emailit dhe ajo përdoret vetëm nga sistemi për dërgimin e mesazheve automatike.

Qëllimi dhe baza ligjore e përpunimit të të dhënave

Të dhënat që jepni gjatë regjistrimit përdoren ekskluzivisht për krijimin e një llogarie në platformën e këshillimit. Qëllimi i krijimit të llogarisë është mundësimi i këshillimit personal nëpërmjet qendrës së këshillimit të zgjedhur. Gjatë regjistrimit do t’ju kërkohet të pranoni deklaratën e mbrojtjes së të dhënave që ndodhet aty dhe përdorimin e "Cookies” (shih më poshtë). Nëse jepni miratimin tuaj, bëhet përpunimi i të dhënave në formularin e regjistrimit dhe përpunimi i të dhënave të tjera, që ia keni bërë të ditura qendrës së këshillimit të zgjedhur, mbi bazën e pëlqimit tuaj sipas nenit 6 paragrafi 1, germa a të KDG-së. Baza ligjore për këtë është pëlqimi juaj që është marrë gjatë regjistrimit sipas nenit 6 paragrafi 1 germa a e KDG-së.

Marrësit e të dhënave

Të dhënat tuaja mund të shihen vetëm nga qendra e këshillimit e zgjedhur, këshilluesit e atjeshëm dhe nga ju vetë. Me porosi të qendrës së këshillimit të dhënat tuaja kodohen dhe ruhen në serverët e këshillimit online të Caritas-it, të cilët hostohen nga një ofrues shërbimi të besueshëm me vendndodhje në Gjermani. Deutscher Caritas Verband e.V. (shoqata Caritas e Gjermanisë) nuk ka mundësi të shohë të dhënat tuaja dhe në kuadër të një përpunimi dhe sipas porosisë vë në dispozicion vetëm infrastrukturën teknike për këshillimin online sipas nenit 29 të KDG-së. Qendra e këshillimit e zgjedhur është përgjegjëse, do të përpunojë mesazhet tuaja dhe do t’ju këshillojë për çështjen tuaj. Të dhënat tuaja nuk do t’i kalohen asnjëherë palëve të treta pa pëlqimin tuaj.

Komunikimi nëpërmjet platformës së këshillimit

Nëse jeni regjistruar, ju mund t’i shkruani një mesazh qendrës së këshillimit dhe të merrni mesazhe.

Qëllimi dhe baza ligjore e përpunimit të të dhënave

Të dhënat që do të transmetoni nëpërmjet fushës së futjes së tekstit, do të përpunohen nga qendra e këshillimit të zgjedhur e ekskluzivisht për qëllim të komunikimit me ju dhe për këshillimin personal.

Marrësit e të dhënave, objekti i përpunimit dhe siguria e të dhënave

Çdo komunikim mund të shihet vetëm nga ju dhe qendra përgjegjëse e këshillimit. Të dhënat që do të dërgoni nëpërmjet fushës së futjes së tekstit do të transmetohen nëpërmjet një lidhjeje të sigurt dhe do të ruhen të kodura në serverët e kontraktorit. Sistemi nuk grumbullon të dhëna të tjera personale, në veçanti adresa juaj IP nuk ruhet.

Përdorimi i Cookies

Kur kyçeni në platformën e këshillimit, sistemi ruan Cookies të ndryshme në pajisjen tuaj. Cookies janë skedarë të vegjël teksti, të cilët mund të përdoren për ta njohur sërish një shfletues interneti gjatë një seance të shfletuesit të internetit. Cookies e përdorura nga platforma shërbejnë ekskluzivisht për mirëmbajtjen e kyçjes suaj, sigurimin e sistemit dhe kodimin e të dhënave. Në pajisjen tuaj platforma do të ruajë Cookies të mëposhtëm:

 Emri   kohëzgjatja e ruajtjes            aksesi i të tretëve

 CSRF-TOKEN           Session          jo

 keycloak         Session          jo

 rc_token         Session          jo

 rc_uid Session          jo

 refreshToken  Session          jo

 useInformal    Session          jo

 userRoles      Session          jo

Të drejtat e personit të interesuar

Meqenëse qendra e këshillimit përpunon të dhëna personale tuajat, ju jeni personi i interesuar në kuptimin e ligjit për mbrojtjen e të dhënave kishtare (KDG) dhe ju gëzoni të drejta të ndryshme. Ju lutemi vini re që qendra e këshillimit e zgjedhur prej jush është përgjegjëse në kuptimin e KDG-së dhe vetëm ajo mund të ketë akses në të dhënat tuaja personale. Prandaj, për të kërkuar respektimin e të drejtave tuaja ju duhet t’i drejtoheni direkt qendrës përkatëse të këshillimit.

Ju gëzoni të drejtat e mëposhtme:

• Neni 17 KDG: Ju mund të kërkoni informacion lidhur me të dhënat tuaja personale që përpunohen nga qendra e këshillimit. Në veçanti, ju mund të kërkoni informacion lidhur me qëllimet e përpunimit, kategorinë e të dhënave personale, kategoritë e marrësve, kundrejt të cilëve të dhënat tuaja u zbuluan ose do të zbulohen, për kohëzgjatjen e duhur të ruajtjes, ekzistencën e së drejtës për korrigjim, fshirje, kufizim të përpunimit ose kundërshtim, për ekzistencën e së drejtës për ankim,
• Neni 18, 19 KDG: Ju mund të kërkoni korrigjimin e menjëhershëm ose plotësimin e të dhënave tuaja personale të ruajtura nga qendra e këshillimit. Ju mund të kërkoni fshirjen e të dhënave tuaja personale të ruajtura nga qendra e këshillimit, nëse nuk është i nevojshëm përpunimi për të ushtruar të drejtën e shprehjes së lirë të mendimit dhe marrjes së informacionit, për të përmbushur një detyrim ligjor, për arsye të interesit publik ose për ngritjen, ushtrimin ose mbrojtjen e pretendimeve ligjore.
• Neni 20 KDG: Ju mund të kërkoni korrigjimin e përpunimit të të dhënave tuaja personale nëse ju mohoni korrektësinë e të dhënave dhe nëse përpunimi është i paligjshëm.
• Neni 22 KDG: Të dhënat tuaja personale që i janë transmetuar qendrës së këshillimit mund t’i merrni në një format të strukturuar, të zakonshëm dhe që mund të lexohet nga kompjuteri ose të kërkoni transmetimin te një përgjegjës tjetër.
• Neni 8 paragrafi 6 KDG: Pëlqimin tuaj që keni lëshuar një herë për përpunimin e të dhënave kundrejt qendrës së këshillimit mund ta anuloni në çdo kohë.
• Neni 48 paragrafi 1 KDG: Nëse keni pyetje dhe ankesa, ju mund t’i drejtoheni personit përgjegjës të dioqezës për ruajtjen e të dhënave të kishës katolike në www.datenschutz-kirche.de.
  
  Katholisches Datenschutzzentrum Frankfurt/M.
  Haus am Dom
  Domplatz 3
  60311 Frankfurt
  Telefonit: +49 (0)69 80087188 00
  Faks: +49 (0)69 80087188 15
  E-mail: info@kdsz-ffm.de

Ndryshimi i deklaratës të mbrojtjes së të dhënave

Kjo deklaratë e mbrojtjes së të dhënave vihet në dispozicion nga Deutscher Caritasverband e. V. (Shoqata Caritas e Gjermanisë) në emër të qendrave të këshillimit. Qendrat e këshillimit kanë rezervuar të drejtën për ta ndryshuar këtë deklaratë të mbrojtjes së të dhënave në ardhmen ose t’i referohen deklaratës së vet të mbrojtjes së të dhënave.

Ju lutemi vini re gjithashtu dispozitat e përgjithshme të mbrojtjes së të dhënave të caritas.de.